Nama Hamaaf Hammeenyi Isaatuu isa dhabamsiisuuf isaaf gahaadha.

 Nama Hamaaf Hammeenyi Isaatuu isa dhabamsiisuuf isaaf gahaadha. 

Bakar ibnu abdullaahi almuzaniyy seenaa itti aantu tana nuuf dabarsa. masaraa mootummaa tokko keessa booharsaa[taphachiisaa]mootichaa tokkootu jira ture,namni kuniis irra daddeebi'uun waan mootichaaf himaa tureetu jira innis "Yaa mootii keenya nama gaariif gaaroommina isaatiif waan bareedaa godhaaf!Nama hamaaf garuu gochi hamaan isaa isaaf ni geessi"kan ja'u. Duubogaa kabajaan mootichi nama kanaaf kennaa dhufe nama biroo keessatti Qirii[mufannoo]uumuun isii hin Oollee, Kana Namni hamaan tokko jidduu mootichaatii fi jidduu booharsatti sharrii takka itti yaadee Qopheeffate. yaaduma sharrii tanaan mootichaatti dhaqee salaamtaa bareedduu itti salaammatee yaa mootii koo waan Abalu namni ja'amu ka ati if biratti nyaachisaa obaasaa qananiisaa jirtu [booharsaan kee]bar! Afaan mootichaa akka malee ajaawaa jachaa maqaa si xureessutti jira tanaan garaan na dadhabnaan siifin hima ja'ee dhufee j'een hoggaa kana mootichi akkamittiin mirkaneeffachuu dandahaa je'ee namticha gaafate. Namtichiniis Kuni waan salphaadha if biratti yaamii haasooysisi hoggaa wajjiin haasoytu yoo afaan if haguugee sii wajji haasawe mirkaneeffattee bar!je'een mootichiniis ati gali an isa yaameetiin isa fattanaa je'een namtichiniis mooticha biraa bahee gara namticha mooticha booharsuu[taphachiisuuu]san bira dhaqee nyaata qullubbiin irra kutte[itti heeddummaatte]hiraata afeeruun nyaachise. xiqqo booda mootichi nama isa booharsu san yaamsisee haasooysise osuma haasawaniiti mootichi as dhihaadhuutii haasawi kaa je'een, hoggaa kana namtichi akka hafuurri isaa ka qullubbii san mootichatti hin ajooyneef afaan if hagoogee haasawa itti fufe.mootichi kana arkees wanni namtichi kaan isaan ja'e san ahaaa wanni san dhugaa jechuudha ifiin ja'e. Xalayaa "Nama Xalayaa tana fidee sittiin dhufe ajjeesii eega ajjeeftees qaama isaa addaan mummurii"tan jettu barreessee akka gara bulchaa araddaa  takka bulchutti geessu itti kanne. Namtichiniis xalayaa saamudamte san fuudhee gara ergamette geessuuf akkuma manaa baheen namticha hammeenya kana qopheesse saniin walitti dhufe. kanagaa hamaan kun maal harkaa qabda?ja'ee gaafate. Booharsaaniis mootichaatu xalayaa akka badhaafni naaf kennamu ajajju tana bulchaa saniif geessi je'ee natti kenne je'een. Hoggaa kana hamaan kun yaabo rabbumaa ji'iitii natti kanni naatu geessaa ja'ee kadhaan haafura itti kute! Booharsaaniis firraa itti kenne namtichiniis badhaasa san argachuuf hawwii ajaa'ibaatiin gara bulchaa sanitti bararaa geesse bulchaaniis xalayaa akkuma baneen namticha fuula keessa laalee xalayaan tun mootichi akkaan sijjeesee qaama kee cicciruuf sitti kannee si erge je'een. Hoggaa kana namtichi baaragee bargaa xalayaan tun dura waa natti hin kannamnee kanaafuu gara mootichatti nama naaf ergi adda naaf baafadhu je'een. Bulchaaniis Eega mootichi keenya xalayaa erge ajajuma san raawwachuu malee wanni biraa hin jiru je'eenii.akkuma mootichi ajajetti raawwate. Booharsaaniis  gara masaraa deebi'ee dhaqe. Mootichiniis Ajaa'ibee! Xalayaan sitti Kanne akkam goote je'ee? gaafate. Inniniis Bar nama akkanaatu kararratti na arkee akkaan xalayaa san itti kennu akka malee na khadhatee saniifiin itti kannee dhufee bar!Ja'een mootichiniis namni ati xalayaa itti kannite kun ka afaan kiyya akka ajaawu isarraahin dhagahe je'ee natti hime je'een. Booharsaaniis Mootii koo an gonkuma afaan mootii keenyaa ni ajaawa ja'ee hin dubbanne ja'een. Duubo hoggaan siin haasawu maaliif afaan hagooggattee naan haasoyte?je'een Namticha saniitu nyaata qullubbiin irra kutte na nyaachise akka afaan kiyya sitti hin ajooyneefin hagooggadhe je'een. Mootichiniis Yaabo Ati dhuga baanta nama hamaaf hamtuun isaatuu ni geessi hamaaniis harka isaa arkate atiis gara hojii keetii jechuun Xumure. Dhugumatti Nama Hamaaf hammeenyi isaa isa galaafachuuf gahaadha! Warra Dhagahee Ittiin Hojjatu Nu Haa taasisu.